فرحانة بيك كل النجوم
الديمة تمسسي ببسمتك
حتى القمر دوام خجلان
يومو البطالع طللتك
اسبح اطير فوق السحاب
حاضن هواي في صحبتك
تلقانا اسراب الطيور
ندمانة راحلة من دنيتك
تلعن خريفا جاها جبر
وغيير مكان تتحللقك
وتلقى الوصال اخر محطة
وما وداع تستقبلك
ونمني احزانا اللي كان
فراقك مبتداها
بلقيتك
يا حلو العيون
الشامة عذابنا
لكن
هي البتوصفك

خربشة صباحية
2010-9-30

يا حلمي لو تصبح حقيقة
وتغمرني انوارك دقيقه
تغشاني افراح السعاده
واترك الدنيا وجحيما
امسك الدرب البيووصل
لي بلادك لو بعيده
وارسم الفرح البيوقد
نار مشاعر كان دفينة
وادفر الحزن المعشش
جوة افكاري العتيقة
يا حلمي ااااه لو تصبح حقيقة

من قلب لي قلبك بريدك

ريدي ليك بيهزم ديمه شكك

وما بمل انتظاري مهما طال رددك

منى نفسي لحظة في حضنك

شان تتمسح ذكرى ألاامي اللي قبلك

من قلبي لي قلبك بريدك

من قلبي لي قلبك بريدك

احلم ديما ماسك في ايدي ايدك

وسارح في تلالك وساكن في وريدك

حاضن هضاب الصعب بس عشان بريدك

من قلبي لي قلبك بريدك

من قلبي لي قلبك بريدك

نقسم مرر احزاننا سوا

وديمة في افراحك شريكك

دمعتك ان تنزل تبقا اذاي

ان خليتا تنزل في خديدك

من قلبي لي قلبك بريدك

مقطع من غرام -يوليو2010

ما جفيت اذ جفيت ولكن الشوق ابا
كل المداين غازلا
وترك شوقنا يتوسلا

نار الغرام بالعضب كتلا
وبي حيطة كبريائي عزلا
كل الدروب ليك قففلا

بعيد عنك حياتي صبحت عزا
عيون الريده في ميتمك منهمرا
ودموع غرامك مجراها في الخديد حفرا

شيمة هواك

بريدك يا حلم يوود مصحي الامل جواي
بريدك يا نغم فاح عطّر سما دنياي
بريدك وما بصدق يوم تسيبيني براي


***
***



غرقان انازع في هموم دنياي
وفي تساب عينيك يلوح مرساي
شيمة الظروف ما بتبلع هواي
ولا نوّة فراقك كان ممكن تزيح ازاي
تلقيني ديمة مليان بي ريدتك جواي
تيارا يجري في العروق بدل دماي



والقاك محل ما اقبل
انتي
شيمة هواي

ظللي ام الطيف
***
***

اراني اتسللق ظلي
فامر بطيف الذكريات
واراى مابين نهديك انطوي
حنينا وضياع الامسيات
فحينا كان القلب يهدي
نصائح وحينا امنيات
رموزا تفك ضيق صدري
هديرا يضاهي الاحجيات
سرورا يعم الجسم يسري
دموعا تجري كالفرات
بعيدا عنك ظللي


انا

طيف ام شبح ذكريات

في محراب الالم



كن انانيا
فقد تذيب دموعك جليد قلبي
كن انانيا
فقد تهيج مشاعرك انفاسي
كن انانيا
فقد تمسي انت حلم حياتي

وقد تراني
اتشبث بك كاحد امنياتي



***
***
او


كن كما كان الخيال يريدك
بعيدا عني حتى اشتهيك
كن كما الليل البهيم تخبئ
قضاياك ولا تجعلني ازدريك


***
***

ادري انك مللت من الالم ومن انتظار المعجزات
فان كنت تراني هدفك الوحيد فاترك عنك قفص الذكريات
وارحل معي في صراعي وشاركني كل الامنيات
اترك عنك محرابك فالى هنا لن تفيدك التخيلات


***
***







تخريمة
مقاربة لتوضيح صراع الحبيب الخفي مع عاشق قد تلجمة حينا المثل والمبادئ

ادمنتك جدا
وانا اعلم ايضا
انك تحبينني جدا
لم تقوليها ابدا
ولكن ما خاننتني مشاعري قبلا


**
ارتمي في صفحات عشقك دوما
واتعلق بكل ما يمكن ان يكون منك رددا
احس بحوجتي لكي في لحححظة مغادرتك لي
كل مشاعري تلتهب عندما ارتويك
وكل مدامعي تنفجر عندما تقولين وداعا

ترددين
ساعود
ساتصل بك
سالاقيك

اموت انا مئة مررة
رغغغم انك تعودين
وتتصلين
وتلاقيني

ولكن
ما يقتلني ليس قليل وقت الفراق
ولكن ما يقتلني انه
واذا لم تعودي
واذا لم تتصلي
واذا لم تلاقيني
ما ذا يسحدث فانا
مدمن
واعيش حالة ادمانني بك
واستمتع بادماني بك

**
اقول لك ايضا في خضم ما اقول
خذي عمري واتركيني لادماني بك
فهو يكفيني
خذي يصري واتركيني لنشوتي بك
فهي تهديني
خذيني مني واتركي لي ادماني بك
فهو كياني

عذرا ان اقتحمت عليك سكون حياتك


او حتى هدوء تشاؤمك


لكن قد حركتي بعض اوتار


غطاها طن من تراب الذاكرة


رفض ان ينزاح ليكشف عن الوتر الحساس


حتى نفضتي كل غبار غطاه


وكشفتي عن المستور


عذرا


ان كانت عذرا هي ما يكفيك



لتواصلي تهكمك



او لاواصل تشرنقي

سامر ليالي الشوق والشوق طبعو تأني
غالب دموع الدم والدم جريهو غمرني
غمرن مجاري الهم وخلو مشاعري تهنني
فرحانة طايرة بي لقا حبيبا هواهو تب مكنني
بياع وساهي ولي مشاعرو يخببي
سومرية عاشق خطاها وعيونها جننني
كاتما الالم جواها ومن بره تغني
واهمة روحا وصحابا بي قساوة وجمود وتجني

ابو البددوي زورنا مررة - قصة قصييييييييييييييييييييييرة

يحكى ان هناك واحد اسمو ابو البدوي
يعمل في منصب مالي في احدي المؤسسات
بعيد عنكم الراجل ده
كان حرامي وسكرجي
يعني بيضرب الخزنة ويمشي الانداية
الراجل كان فيه خصال جميلة كتيرة
اهمها انو كان كريم وااي زول كان بيجيهو في مشكلة
كااان يسرق بيحلها ليهو
زول جميل المعشر وطيب
المهم ما علينا
الراجل كان بيمشي الانداية يومي
يقعد ويشرب
الناس يشاغلوهو ليك
ابو البدوي زوووورنا مرررة يا بدوي زووورنا مررة
ومعاها صفافير كده
يقوم يقول لي ست الانداية
نزلي لي الجماعة ديل قزازة علي

مجموعه اخري
تغرررد
ابو البدوي زوووورنا مرررة يا بدوي زووورنا مررة
وهو يكرر
نزلي لي الجماعة ديل قزازة علي

قووووومي يالشركة اعرفيهو

طبعا الشركة عرفت
نادو ليك الراجل
ونادو السولييب

راحو ختو لي ابو البدوي في الحراسة
واترحل علي السجن
والموضوع جرررة
وناس الحلة عرفو
ومرتو وويلاداتو اتجهجهو
المهم

قوووم يا ابو البدوي تطلع من السجن بي حسن سير وسلوك
بعد 6 شهور
جد والله
الراجل مهذب جدا يا جماعة وخدوم
الراجل لولا ورث ابوهو في البلد كان مرتو وعيالو شحدو في الشوارع
اول يوم يمرق ابو البدوي من السجن يمشي وييييييييييييييييييييين؟
الراجل يا جماعة مشا سلم علي وليداتو


عواليق كلكم قايلنو مشا الانداية بالاول صح

وقعد اتونس معاهم
ورجا المغربية
رااح الانداية

طبعا دخلتو الانداية الناس ما ياهم الناس
نفس البشر
بس التعامل اختلف
الراجل قعد
زوول رد سلامو ماف

الراجل طلب
سموو الهاري
جابوهو ليه بس المرة قالت ليهو الدفع قبل
ال

البلع
الراجل دفع ثم اصبح
يتلفت يمنة ويسسرة
ياهم نفس المجموعات بي نفس الترتيب
طيب مالهم مكشرين لي
عاين ليهم وقال
شنو يا جماعة
ويييين
غناكم الجميل
خاصة اغنية
ابو البدوي زوووورنا مرررة يا بدوي زووورنا مررة
يا بلااااال زووورنا مرررة

عاينو ليهو شذرااا

وقالو ليهو الغنا في
يا ابو البدوي بس بقت
ابو البدوي غادي غادي
ابوالبدوي السجن بيعادي
ابو البدوي واي فكني
السجن لا ما توديني


THE END